Azərbaycan, Bakı, 26 fevral / Trend Ü.İsmayılova /
"Azərbaycanın mədəniyyət və turizm naziri Əbülfəs Qarayev Havanaya üçgünlük səfəri zamanı öz kubalı həmkarı ilə turizm və mədəniyyət sahəsində əməkdaşlıq müqaviləsi imzalayacaq", - çərşənbə günü qurumun yaydığı məlumatda deyilir.
Səfər Kuba Mədəniyyət və Turizm Nazirliyinin dəvəti ilə həyata keçirilir. Müqavilənin imzalanması haqda razılaşma 30 noyabr 2007-ci ildə Azərbaycan-Kuba hökumətlərarası komissiyasının iclasında əldə olunub.
Qarayev səfər çərçivəsində həmçinin komissiyanın Kuba tərəfindən həmsədri ilə görüş keçirəcək ki, bu görüşdə də ikinci iclasın keçirilmə vaxtı müəyyən ediləcək.
Azərbaycan tərəfdən komissiyanın həmsədri Qarayevdir.
Məqalə müəllifi ilə əlaqə ünvanı: [email protected]
