...

"Bank Melli Iran"ın Bakı filialı Azərbaycan Prosessinq Mərkəzinə qoşulacaq

Biznes və iqtisadiyyat xəbərləri Materials 13 Mart 2009 16:20 (UTC +04:00)

Trend-i buradan izləyin

Azərbaycan, Bakı, 13 mart / Trend , müxbir N.İsmayılova /

"Bank Melli Iran"ın Bakı filialı ayın sonunadək Azərbaycan Prosessinq Mərkəzinə qoşulacaq. Bu barədə cümə günü bankın Azərbaycandakı filial rəhbərinin müavini Anar İbrahimov bildirib.

"Bank prosessinq mərkəzinə hələ fevralda qoşulmağı planlaşdırıb. Bankomat və POS-terminalların quraşdırılmasına başlanıb, lakin qoşulma texniki səbəblərdən təxirə salınıb", - deyə İbrahimov bildirib.

Onun sözlərinə görə, bu problemlər martın sonunadək həll ediləcək və bundan sonra bank Milli Kart-a qoşulacaq.

"Bankın AzeriCard prosessinq mərkəzinə qoşulması İranın dünya iqtisadiyyatındakı vəziyyəti ilə əlaqədar bankın mərkəzin tələblərini qəbul edə bilməməsi səbəbindən mümkün olmayıb", - deyə İbrahimov bildirib.

Onun sözlərinə görə, Milli Kart prosessinq mərkəzində belə tələblər yoxdur.

Prosessinq mərkəzinə qoşulmada yaranan gecikmələr səbəbindən bankın Kütləvi Ödəmələr üzrə Mərkəzləşdirilmiş İnformasiya Sisteminə (KÖMİS) və plastik kartlar emissiyasına qoşulması da təxirə salınıb.

"Bank Melli Iran"ın martın 1-nə olan kredit portfeli 5,789 mln. manat, depozit portfeli isə 3,812 mln. manat təşkil edib. Bankın aktivləri 18,66 mln. manata, nizamnamə kapitalı 10 mln. manata, məcmu kapitalı isə 11,361 mln. manata çatıb. Cari ilin iki ayı ərzində bankın mənfəəti 152,6 min manat təşkil edib.

Milli Kart Prosessinq Mərkəzinin təsisçiləri bunlardır: Atabank, Azərdəmiryolbank, Azertürkbank, Bank of Baku, Azərbaycan Sənaye Bankı, Debutbank, Əmrahbank, Xalqbank, Kredobank, Accessbank, ParaBank, Rabitəbank, Bank Respublika, Bank Standard, Texnikabank, Turanbank, UniBank və Zaminbank.

Martın 13-nə olan rəsmi məzənnə 0,8045 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti