Azərbaycan, Bakı, 13 mart / Trend , müxbir İ.Xəlilova /
Azərbaycanda iqtisadi stabillik elementləri milli valyutanın stabilliyi əsasında formalaşır, - Azərbaycan Milli Bankının (AMB) idarə heyətinin sədri Elman Rüstəmov bildirib.
"Bu əlaqə onunla izah olunnur ki, məzənnə makroiqtisadiyyatın əsas göstəricisidir və bu gün bu stabilliyi pozmaq üçün kifayət qədər arqument mövcud deyil", - deyə Rüstəmov bildirib.
AMB-nin məzənnə matrisasında manat məzənnəsinin dəyişməsinin müsbət və mənfi faktorları üzrə 20 arqument nəzərdə tutulub. AMB rəhbərinin sözlərinə əsasən, hazırda bu faktorlar məzənnənin stabil saxlanmasına şərait yaradır.
"Azərbaycanın bir sıra xarici ticarət partnyorları, qonşu ölkələr ötən ilin sentyabrından etibarən 30-50 faiz arasında milli valyutanın devalvasiyasını həyata keçirir, lakin bunun nəticəsində heç bir üstünlük əldə etməyiblər, - deyə Rüstəmov bildirib. - Bu addım məcburi addım idi".
O, martın 18-dəki referendumdan sonra keçiriləcək növbəti devalvasiya xəbərini təkzib edib.
"Bu gün manat məzənnəsinin korreksiyası hökumətin və Milli Bankın gündəliyinə daxil deyil və bu məsələyə baxılmır, -deyə Rüstəmov bildirib. - Bu gün ölkəinin valyuta ehtiyatları məzənnənin stabil saxlanması üçün kifayət qədər çoxdur".
Bununla belə o, hesab edir ki, məzənnə bu gün dünya bazarlarında neftin qiymətinin dəyişməsindən asılıdır və hazırda bu göstərici hər barel üçün 45 dollar təşkil edir ki, bu da Azərbaycan üçün münasib sayılır. AMB-nin hesablamalarına əsasən, neftin qiymətinin bu səviyyədə saxlanılması istiqamətində 2009-cu ilin yekunları üzrə ölkənin ödəmə balansının müsbət saldosu 4-5 milyard dollar təşkil edəcək.
Martın 13-nə olan rəsmi məzənnə 0,8045 AZN/USD təşkil edir.
Məqalə müəllifi ilə əlaqə ünvanı: [email protected]