Gürcüstan, Tbilisi, 18 mart / Trend , müxbir N.Kirtsxaliya /
Gürcüstanın əmək, səhiyyə və sosial müdafiə naziri Aleksandr Kvitaşvili martın 23-də çex investorları ilə danışıqlar aparmaq məqsədi ilə Çexiyaya yola düşəcək. Onun sözlərinə görə, danışıqlar "100 yeni xəstəxana" adlı dövlət proqramı ilə əlaqədardır və Çexiyada bu proqramda iştirak edəcək şirkətlər müəyyənləşdiriləcək.
Kvitaşvilinin sözlərinə əsasən, sözügedən layihənin həyata keçirilməsinə pul yatıran investor şirkətləri ilə artıq münasibətlər qurulub.
"Bu gün meydana çıxan, xeyli miqdarda investisiya yatırmaq niyyətində olan və maliyyələşdirmə istiqamətində Çexiya bankına təklif irəli sürən ən iri şirkət Çexiyanın "Blok" şirkətidir.Yaxın gələcəkdə hazırki layihənin təsdiqlənməsi istiqamətində bankın Direktorlar Şurasının iclası keçiriləcək", - deyə Kvitaşvili bildirib. Söhbət 125 milyon avrodan gedir.
"Ötən ilin çətinliklərinə baxmayaraq, layihə həyata keçirilir", - deyə səhiyyə naziri bildirib.
Məqalə müəllifi ilə əlaqə ünvanı: [email protected]
