...

Azərbaycanın şimal-qərb bölgəsində koreyalılarla birgə düyü istehsalına başlanılacaq

Biznes və iqtisadiyyat xəbərləri Materials 29 Mart 2009 16:35 (UTC +04:00)

Azərbaycan, Şəki, 29 mart / Trend , müxbir X.Əkbərova /

Bakının 352 km-də yerləşən Şəki rayonunda koreyalı mütəxəssislərlə birgə düyü istehsalına başlanılacaq.

Bu məsələ və aqrar sektorun inkişafı ilə bağlı Şəki Rayon İcra Hakimiyyətində Cənubi Koreyanın Kənd təsərrüfatı İnstitutunun professoru Con Kon Çeninin başçılıq etdiyi nümayəndə heyəti ilə görüş keçirilib. Koreyalı mütəxəssislər kənd təsərrüfatının inkişafı istiqamətində layihələr təqdim ediblər. İlk növbədə birgə düyü istehsalının müzakirəsi aparılıb. Koreyalılar aqrar sahədə tədqiqatların aparılmasını nəzərdə tuturlar və müsbət nəticə əldə etdikdə kənd təsərrüfatının digər sahəsində də fəaliyyətlərini davam etdirməyi planlaşdırırlar.

Şəki Rayon İcra Hakimiyyəti başçısı Nazim İbrahimov qonaqların nəzərinə çatdırıb ki, ötən il Şəkidə buğda istehsalı sahəsində rekord göstərici - 120 min ton nəticə əldə olunub. Başçı əlavə edib ki, Şəki aqronomları koreyalı mütəxəssislərlə əməkdaşlıq etməyə hazırdır.

Çeninin sözlərinə əsasən, Koreya nümayəndə heyəti dəvətlə Şəkiyə gəlib və gəlişin məqsədi qida istehsalı sektorunun öyrənilməsidir.

"Tədqiqatlar bitdikdən sonra burada qida məhsullarının istehsalı üçün müasir avadanlıqların quraşdırılması nəzərdə tutulur. Aqrar sektorla yanaşı, istehsalat sahəsində də araşdırmalar aparmağı düşünürük", - professor qeyd edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti