Azərbaycan, Bakı, 31 mart / Trend /
"İki postsovet ölkəsi Azərbaycan və Özbəkistanın əvvəlcə inkişaf proqramlarında iştirak etdikləri WOCCU-ya (Ümumdünya Kredit İttifaqları Şurası) girişi, bu inkişaf etməkdə olan ölkələrin kredit ittifaqlarını gücləndirəcək", - təşkilatın prezidenti və baş icraçı direktoru Pit Krear deyib.
Azərbaycanın (AKIA) və Özbəkistan kredit ittifaqları assosiasiyalarının (CUA) ərizələri WOCCU-nun Direktorlar Şurasının martın 25-də Mexikoda keçirilən iclasında qəbul edilib.
"Azərbaycandakı bütün kredit ittifaqlarının maraqları naminə kredit ittifaqlarının inkişafına kömək etmək üçün əlimizdən gələni edəcəyik. Biz bu istiqamətdə işə dərhal başlaycağıq", - AKIA İdarə Heyətinin sədri Elçin Bağırov deyib.
AKIA Azərbaycanda fəaliyyətdə olan 78 kredit ittifaqından 48-ni özündə birləşdirir. Buna baxmayaraq, assosiasiya üzvləri ölkənin kredit ittifaqlarının 9 800 və ya 90 faiz payçısına xidmət göstərir. AKIA WOCCU-nun affilə edilmiş, xüsusilə təşkilata tam üzvlüyə çıxış imkanı əldə etmək üçün tələb olunan maliyyə vəsaiti olmayan kredit ittifaqlarının birliklərinin şuraya qəbulu üçün hazırlanmış yeni üzvlük kateqoriyasının ilk üzvü olub.
Assosasiyada üzvlük təşkilata qəbuldan sonra həqiqi sayılır. Affilə edilmiş üzv kimi AKİA WOCCU-nun bütün vəsaitlərinə çıxış əldə edəcək, öz fikrini bildirmək üçün yer və hüquq qazanacaq. Ancaq hələ ki o, WOCCU-nun illik ümumi toplantısında səsvermə hüququna malik olmayacaq və təşkilatın Direktorlar Şurasına namizədliyini vermək ixtiyarı olmayacaq.
Ümumdünya Kredit İttifaqları Şurası 1971-ci ildə ümumilikdə kredit ittifaqları və kooperativ maliyyə təşkilatlarının beynəlxalq təşkilatı kimi yaradılıb. WOCCU-ya dünyanın 96 ölkəsindən birliklər daxildir. Bütün dünya üzrə 177 milyon payçını birləşdirən 49 mindən çox kredit ittifaqını təmsil edən milli və regional kredit ittifaqları assosasiyaları WOCCU-nun üzvləridir. Bu kredit ittifaqlarının aktivlərinin məcmu həcmi 1,181 trilyon dolları ötür.