Azərbaycan, Bakı, 06 aprel / Trend , müxbir S.Babayeva /
Azərbaycanın Standartlaşdırma, Metrologiya və Patent üzrə Dövlət Komitəsindən bazar ertəsi bildiriblər ki, hər il düzənlənən "Dövlət metrologiya idarələrinin Avro-Asiya əməkdaşlığı" təşkilatının (COOMET) iclası Bakıda keçiriləcək.
"İclas Dövlət Komitəsinin təşkilatçılığı altında 19-22 mayda keçiriləcək", - dövlət orqanından bildiriblər.
İclas çərçivəsində Bakıya digər dövlətlərin metrologiya idarələri rəhbərlərinin gəlişi gözlənilir.
İclasın birinci günü etalonlar üzrə texniki komitənin işinə həsr olunacaq. Sonrakı günlərdə isə COOMET üzvləri illik hesabatlarını təqdim edəcək, yeni təklif və planları müzakirə edəcəklər.
COOMET 1991-ci ilin iyun ayında yaradılıb və 2000-ci ilin may ayında adı dəyişdirilərək "Dövlət metrologiya idarələrinin Avro-Asiya əməkdaşlığı" qoyulub. Azərbaycan (2007-ci ildən), Belarus, Bolqarıstan, Almaniya (assosiasiya olunmuş üzv), Gürcüstan, Qazaxıstan, KXDR (assosiasiya olunmuş üzv), Kuba (assosiasiya olunmuş üzv), Litva, Ermənistan, Moldova, Rusiya, Rumıniya, Slovakiya, Özbəkistan və Ukrayna həmin təşkilatın üzvləridirlər.
Təşkilatın əsas fəaliyyətini fiziki ölçülərin etalonları, keyfiyyətin akkreditə olunması və menecmenti, informasiya və təlim sahələri əhatə edir.
Məqalə müəllifi ilə əlaqə ünvanı: [email protected]