Azərbaycan, Bakı, 10 aprel / Trend , müxbir Ü.İsmayılova /
"Azərbaycanın daşınmaz əmlak bazarında birinci rüb ərzində alıcılıq qabiliyyəti 2008-ci ilin dördüncü rübünə nisbətən 20 faiz azalıb", - cümə günü Caspian Property Services qiymətləndirmə şirkətinin marketinq direktoru Elnur Azadov deyib.
"Bu dövr ərzində bazarın fəallığı 15 faiz azalıb", - Azadov qeyd edib.
Onun sözlərinə görə, bazardakı belə durum dünya maliyyə böhranının təsiri ilə əlaqədardır.
"Bu vəziyyətdə bazarın ilin sonunda necə olacağını proqnozlaşdırmaq çətindir", - Azadov bildirib.
Onun sözlərinə görə, hazırda, bir ay əvvəl olduğu kimi, mənzilin bir kvadrat metri şəhərin I zonasında 1,8-3 min manat, II zonada 1-2 min manat, III zonada 0,7-1 min manat, IV zonada 0,7 min manata qədər təşkil edir.
Məqalə müəllifi ilə əlaqə ünvanı: [email protected]