Azərbaycan, Bakı, 11 aprel / Trend , müxbir N.İsmayılova /
"Azərbaycan banklarının çoxu yaz bayramlarından sonra istehlak kreditlərinin verilməsini dayandırıb", - cümə günü rəyi soruşulan banklardan deyilib.
Rabita Bank-dan məlumat verilib ki, bank yaz bayramlarından sonra kredit verilməsini dayandırıb və kreditləşdirmənin bərpa tarixi hələ məlum deyil.
Bank Nikoil həmçinin istehlak və korporativ kreditlərin verilməsini dayandırıb.
Azerbaijan Senaye Bank-ı istehlak kreditlərini 24 faizlə və maksimum bir il müddətinə verir. Bununla yanaşı, kreditin maksimum həcmi kreditorun iki aylıq maaşını aşmamalıdır.
Para Bank yalnız biznes kreditləri iki il müddətinə 30-32 faiz dərəcəsi ətrafında verir. İstehlak kreditlərini yalnız bu bankda depozit qoyuluşu olan müştərilər ala bilər.
Royal Bank istehlak kreditlərini iki il müddətinə 30 faiz dərəcəsi ilə verir. Amma bu kredit yalnız bankın müqaviləsi olduğu mağazalarda mebel və məişət texnikasının alışına verilə bilər.
Azerdemiryolbank-dan deyilib ki, bank kreditlərin verilməsini dayandırmayıb. O, istehlak kreditlərini 24-36 faiz dərəcələri, korporativ kreditləri - 19-24 faiz dərəcələri ilə verir. Hər iki kredit növü maksimum üç il müddətinə verilir.
2009-cu ilin fevralında Azərbaycan bankları istehlak kreditləri portfelini bir faiz, ilin əvvəlindən isə iki faiz azaldıb. Fevralın yekununa əsasən, istehlak kreditləri bankların ümumi kredit portfelinin 34,2 faizini təşkil edib (6692,5 milyon manat). Fevralın 1-də onun payı 32,1 faiz, 2009-cu ilin əvvəlində - 32,6 faiz təşkil edib.
Martın əvvəlindən kredit portfelinin maya dəyəri fevralın 1-dəki 7201,3 milyon manatdan 6692,5 milyon manata enib. Yanvarın 1-də isə bu rəqəm 7163,2 milyon manat (+53 faiz ) olub. 2008-ci il yanvarın 1-də isə bu payın həcmi 4681,8 milyon manata bərabər olub. 2009-cu ilin yanvar-fevralında 537,4 milyon dollar həcmində yeni kreditlər verilib.
Məqalə müəllifi ilə əlaqə ünvanı: [email protected]
