Azərbaycan, Bakı, 11 aprel / Trend , müxbir N.İsmayılova / "2009-cu ildə fevral ərzində Azərbaycanın bank sektorunun kapitallaşması 1,6% artıb. Martın birinə olan göstəriciyə əsasən bank sektorunun kapitallaşması ötən ilin əvvəli ilə müqayisədə 61,1% artıb", - Azərbaycan Milli bankından şənbə günü bildiriblər.
Martın birinə Azərbaücan banklarının ümumi kapitalı ötən ilin əvvəlinin göstəricisini 3,8% üstələyərək 1769,37 milyon manat təşkil edib.
Fevral ərzində bank sektorunun ümumi aktivləri 6% azalıb. Cari ilin əvvəli ilə müqayisədə isə 7,7% azalaraq 9479,09 milyon manat təşkil edib.
Martın birinə olan nəticələrə görə, bank sektorunun depozit bazası 3751,17 milyon manat təşkil edərək fevral ayı ilə müqayisədə 2,6%, ilin əvvəli ilə müqayisədə isə 7,5% azalıb.
Bank sektorunun ümumi öhtəlik göstəriciləri fevral ərzində 7,6%, ilin əvvəli ilə müqayisədə isə 10% azalaraq 7709,72 milyon manat təşkil edib.
Aprelin 11-nə olan rəsi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
