Azərbaycan, Bakı, 13 aprel / Trend , müxbir Ü.İsmayılova /
Bazar ertəsi Azərbaycan Daşınmaz Əmlakın Dövlət Reyestri Xidmətində ümumi məbləği 150 min dollar olan və Türkiyənin Kadastr Xidməti və Əməkdaşlıq və İnkişaf İdarəsi (TIKA) ilə birgə reallaşdırılan pilot layihənin təqdimatı keçirilib.
Layihə 2006-cı il 23 iyun tarixində Azərbaycan və Türkiyənin Reyestr və Kadastr Dövlət Xidmətləri arasında imzalanan niyyət protokolu əsasında həyata keçirilir.
Pilot layihə Şamaxı rayonunun Çuxuryurd və Naqaraxana kəndləri ərazisində kadastr xəritələrinin hazırlanmasını nəzərdə tutur.
Bu gün işçi qrup və idarənin digər əməkdaşları üçün treninqlərə başlanıldığı elan olunub. Treninq beş gün davam edəcək.
Layihə çərçivəsində ikinci treninq proqramı mayda Türkiyədə keçiriləcək.
Pilot layihənin reallaşdırılmasına və bu iki kəndin ortofotokartının hazırlanmasına iyunda başlanacaq və ay ərzində başa çatdırılacaq.
Məqalə müəllifi ilə əlaəq ünvanı - [email protected]
