Azərbaycanın Hesablama Palatası ilə Sosial Müdafiə Fondu əməkdaşlığa dair razılaşma əldə ediblər
Azərbaycan, Bakı, 18 aprel / Trend , müxbir Ü.İsmayılova /
Azərbaycanın Hesablama Palatası və Dövlət Sosial Müdafiə Fondu (DSMF) qarşılıqlı əməkdaşlıq haqqında memorandum imzalayıblar. Bu barədə Hesablama Palatasının şənbə günü yayılan məlumatında bildirilir.
Memorandum Azərbaycan Hesablama Palatasının sədri Heydər Əsədov və Sosial Müdafiə Fondunun sədri Səlim Müslimov tərəfindən imzalanıb.
Memorandum əhalinin sosial müdafiəsinin gücləndirilməsi, DSMF-nın büdcə gəlirləri və xərclərinin yerinə yetirliməsi üzərində nəzarət, bu istiqamətdə ölkənin maliyyə-iqtisadi maraqlarının təmin edilməsi, həmçinin sosial-iqtisadi islahatların qiymətləndirilməsi üzrə hər iki dövlət orqanının fəaliyyət və öhdəliklərinin daha səmərəli və operativ yerinə yetirilməsini nəzərdə tutur.
Azərbaycanın Hesablama Palatası 2001-ci ilin dekabrında ölkə parlamenti tərəfindən yaradılıb.
Məqalə müəllifi ilə əlaqə ünvanı: [email protected]
