Azərbaycan, Bakı, 25 aprel / Trend , müxbir Ü.İsmayılova/ "Azərbaycanda ekoturizmin inkişafı üçün böyük potensial var", - bu gün BMT-nin Azərbaycndakı rezident-əlaqələndiricisi Bruno Pueza deyib.
"Lakin turizmin bu sahəsinin Azərbaycanda inkişv tapması üçün geniş təbliğat aparmaq lazımdır", - Pueza qeyd edib.
Onun sözlərinə əsasən, Azərbaycana gələn əcnəbi turistlər azərbaycanlıların qonaqpərvərliyi və xeyirxahlığını yüksək qiymətləndirirlər.
Bir müddət öncə Azərbaycan mədəniyyət və turizm naziri deyib ki, 2008-ci ilin nəticələrinə görə, 2007-ci illə müqayisədə Azərbaycana gələn turistlərin sayı 39,4% artaraq 1,4 milyon nəfər təşkil edib. Ölkədə 230 turist şirkəti, 370 mehmanxana və mehmanxana tipli obyekt fəapliyyət göstərir. Hazırda ölkədə daha 35 mehmanxananın inşası aparılır.
2009-cu ildə 2008-ci illə müqayisədə Azərbaycanda turizmin inkişafı üçün 11,7% artıq vəsait ayrılıb. 2006-cı illə müqayisədə Mədəniyyət və turizm nazirliyi üçün nəzərdə tutulan büdcə xərcləri 3,7 dəfə artıb.
Məqalə müəllifi ilə əlaqə ünvanı: [email protected]