Azərbaycan, Bakı, 13 may / Trend , müxbir N.İsmayılova /
Yanvar-aprel aylarındakı nəticələrə əsasən, Azərbaycanın qiymətli kağızlar bazarında dövriyyə 2,21 milyon manat təşkil edib ki, bunun 18,9%-i ilkin bazarın, 81,1%-i isə təkrar bazarın payına düşüb.
Ötən ilin analoji dövrü ilə müqaysədə qiymətli kağızlar bazarının həcmi 15% azalıb. Azalmanın başlıca səbəbi pul siyasətinin yumşaldılması ilə əlaqədar sterilizasiya alətlərinin ölkənin Mərkəzi Bankı tərəfindən azaldılmsı oldu.
Cari ilin yanvar-aprel ayları ərzində 419,5 milyon manat dəyərində qiymətli kağız dövriyyəyə daxil edilib ki, bunun da 44%-i Mərkəzi Bankın payına düşüb.
Qiymətli kağızlar bazarının həcmi 1795,9 milyard manat təşkil edib ki, bunun 84,6%-i Mərkəzi Bank tərəfindən aparılan repo və tərs-repo əməliyyatlarının payına düşüb.
Dörd ay ərzində səhmlər üzrə bazarın dövriyyəsi ötən ilin analoji dövrünün göstəricilərini 4 dəfə üstələyərək 133,6 milyon manat təşkil edib. Bunun 61%-i səhmlərin ilkin bazarının və 39%-i təkrar bazarın payına düşüb.
Hesabat dövrü ərzində səhmlərin istehsal həcmi 81,1 milyon manat təşkil edib ki, bu da ötən ilin analoji dövr göstəricisini 4,7 dəfə üstələyir. Hesabat dövrü ərzində borc qiymətli kağızların ümumi həcmi 2,08 milyard manat təşkil edib ki, bu da ötən ilin analoji dövrü ilə müqayisədə 26,7% azdır.
Borc qiymətli kağızlar bazarının ümumi həcminin 14,7%-i dövlət istiqrazlarının, 85%-i isə Mərkəzi Bankın qısamüddətli notlarının payına düşüb.
Repo və tərs-repo əməliyyatları Mərkəzi Bankın qısamüddətli notları ilə birgə 1,51 milyard manat təşkil edib ki, bu da ötən ilin analoji dövrünün göstəricisi ilə müqayisədə 16% aşağıdır.
Mayın 13-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
