Azərbaycan, Bakı, 14 may / Trend , müxbir E.İsmayılov /
"Bakı metropoliteni yay iş rejiminə keçməyə hazırlaşır", - cümə axşamı metropolitendə işlərə yaxın mənbə məlumat verib.
"Yay rejiminə böyük ehtimalla iyunda, sərnişin axınının xeyli azalmasından sonra keçiləcək", - mənbə deyib.
Hazırda Bakı metropolitenində bir saatda bütün istiqamətlərdə 30 qatar hərəkət edirsə, yay rejimində onların sayı sərnişin axınından asılı olaraq 20-24-ə düşəcək.
"Bu gün Bakı metropoliteni adi günlərdə sutkada 700 min sərnişinə xidmət göstərir. İstirahət günlərində bu rəqəm bir qədər aşağı düşür", - mənbə deyib.
Bakı metropoliteni 1967-ci ildən fəaliyyət göstərir.
Məqalə müəllifi ilə əlaqə ünvanı: [email protected]
