Azərbaycan, Bakı, 15 may / Trend , müxbir Ü.İsmayılova /
2009-cu ildə Azərbaycanda aqrar sahənin yüksəlişi müvaffiq dövlət proqramları ilə yüksək aqro-texniki tədbirlərin həyata keçirilməsi nəticəsində, əsasən taxıl və taxıl-paxla bitkləri istehsalının əhəmiyyətli dərəcədə artması hesabına baş verəcək. Bu barədə cümə günü Azərbaycanın kənd təsərrüfatı naziri İsmət Abbasov Trend -a deyib.
"Kartof, tərəvəz, meyvə, bağ bitkiləri və giləmeyvənin istehsal həcmi 2008-ci ildəki səviyyədə olacaq", - Abbasov qeyd edib.
Onun sözlərinə əsasən, son beş il ərzində Azərbaycanın aqrar sahəsində keçirilən bir sıra dövlət tədbirləri nəticəsində 25,2%-lik artım müşahidə edilib. Beləliklə, 2008-ci ildə 2003-cü illə müqayisədə taxıl istehsalı - 23,9%, kartof - 77,8%, tərəvəz - 34%, bağ bitkiləri -40,1%, meyvə və giləmeyvə istehsalı - 43,2%, üzüm isə - 70% artıb.
"Azərbaycanda 2009-cu ildə kənd təsərüfatı üçün əsas prioritet məsələ taxılçılıq, üzümçülük və çayçılıq sahələrinin inkişafı olacaq", - nazir bildirib.
Abbasov hesab edir ki, 2008-2015-ci illərdə əhalinin lazımi səviyyədə qida məhsulları ilə təmin edilməsi dövlət poqramı çərçivəsində nazirlik bir sıra nəticələrə nail olmaq niyyətindədir: taxıl bitkilərinin məhsuldarlığını 900 min hektar əkin sahəsindən 32 sentnerə çatdırmaqla, ümumi istehsalı 1,2 milyon tonadək artırmaq, kartofun ümum istehsalını 1,2 milyon tona, tərəvəz və bağ bitkiləri istehsalını 1,7 milyon tona, meyvə və giləmeyvəni 800 min tona, çay yarpaqları istehsalını isə 3 min tonadək artırmaq.
Nazirin sözlərinə əsasən, bununla belə, əkin sahələrini zeytun bitkiləri üçün 135 min hektara qədər, şəkər çuğunduru üçün 20 min hektara qədər, dənli bitkilər üçün 500 min hektar atırmaq planlaşdırılıb.
Cari ilin yanvar-fevral ylarında Azərbaycan 240,5 ton taxıl və 11 min ton buğda unu ixrac edib.
Məqalə müəllifi ilə əlaqə ünvanı: [email protected]
