Azərbaycan, Bakı, 15 may / Trend , müxbir N.İsmayılova /
Azərbaycan Mərkəzi Bankının (AMB) valyuta ehtiyatları aprel ayı ərzində 55,2 milyon dollar və ya 1,1 faiz azalıb və 4 906,6 milyon dollar təşkil edib. Bu barədə AMB-nin məlumatında bildirilir. Aprelin 1-nə bankın valyuta ehtiyatları 4961,8 mln. dollar təşkil edib.
İlin əvvəli ilə müqayisədə AMB-nin valyuta ehtiyatlarının səviyyəsi 20,05 faiz azalıb. Yanvarın 1-nə Mərkəzi Bankın ehtiyatları 6137 mln. dollar səviyyəsində olub.
Ötən ilin aprel ayı ilə müqayisədə AMB-nin valyuta ehtiyatlarının səviyyəsi 13,9 faiz artaraq 4306,6 mln. dollara çatıb.
Fevralın 1-nə AMB-nin valyuta ehtiyatlarının səviyyəsi 5975,9 mln. dollar, martın 1-nə isə 5636 mln. dollar təşkil edib.
2009-cu ilin birinci rübünün yekunlarına əsasən, Azərbaycanın strateji valyuta ehtiyatları (Dövlət Neft Fondu vəsaitləri və hökumət depozitləri nəzərə alınmaqla) yanvarın 1-nə olan 18,2 mlrd. dollara nisbətdə 16 mlrd.dollar təşkil edib.
Mərkəzi Bankın idarə heyətinin sədri Elman Rüstəmovun sözlərinə görə, cari ilin ilk üç ayı ərzində ölkənin valyuta bazarına olan müdaxiləyə 1 mlrd. dollar vəsait yönəldilib.
Məqalə müəllifi ilə əlaqə ünvanı: [email protected]
