Azərbaycan, Bakı, 18 may / Trend , müxbir N.İsmayılova /
"Gələcək əməkdaşlığın perspektivlərinin müzakirəsi məqsədilə Azərbaycanın iqtisadi inkişaf naziri Şahin Mustafayev Avropa Yenidənqurma və İnkişaf Bankının (AYİB) rəhbərlərinin Londondakı illik toplantısı çərçivəsində иankın prezidenti Tomas Mirovla görüşüb", - bazar ertəsi AYİB-in Bakı nümayəndəliyindən deyilib. İclas 15-16 may tarixlərində keçirilib.
17 illik əməkdaşlıq ərzində AYİB Azərbaycandakı layihələr üçün 865 milyon avro sərmayə ayırıb. 2008-ci ildə Bankın sərmayələri 81 milyon avro, 2007-ci ildə 122 milyon avro olub.
Bankın nümayəndəliyindən deyilib ki, Azərbaycan nümayəndə heyəti AYİB-in illik iclasında Azərbaycanın təqdimetməsini keçirib. Azərbaycan toplantıda iqtisadi inkişaf naziri Şahin Mustafayev, Azərbaycan İnvestisiya Şirkəti və Dövlət Neft Fondunun icraçı direktorları Əfqan İsayev və Şahmar Mövsümovun daxil olduğu nümayəndə heyəti ilə təmsil olunub. Bununla yanaşı, Azərbaycanın banka üzv olan ölkələrə prezentasiyasında AYİB-in Cənub-Şərqi Avropa, Qafqaz və Mərkəzi Asiya üzrə biznes-qrupunun direktoru Olivye Dekamp, AYİB-in Qafqaz, Moldova və Belarusiya üzrə direktoru Pol-Anri Foryester iştirak edib.
İkigünlük işçi forum, hədəf diskussiyaları proqramları, ölkə təqdimatları, ixtisaslaşmış qruplar və əlaqələrin qurulması üzrə tədbirlərin diqqət mərkəzində AYİB regionlarına dünya iqtisadi böhranının təsiri problemi olub. Diskussiya qrupları likvidlik böhranı, xammal asılılığı və kapital bazarlarının inkişaf perspektivlərini müzakirə ediblər.
Məqalə müəllifi ilə əlaqə ünvanı: [email protected]
