Azərbaycan, Bakı, 19 may / Trend , müxbir Ü.İsmayılova /
Azərbaycanın turizm obyektlərində tariflərin əhəmiyyətli dərəcədə enəcəyi gözlənilmir. Bu barədə çərşənbə axşamı Azərbaycanın mədəniyyət və turizm naziri Əbülfəs Qarayev bildirib.
"Ötən istirahət günlərində mən Quba və Qusardakı turizm obyektlərində oldum və bu yerlərdə boş yer yox idi", -deyə Qarayev bildirib.
Nazir hesab edir ki, əhali hətta hazırkı tariflərlə istirahətini davam etdirirsə, qiymətlərin əhəmiyyətli dərəcədə düşməsi barədə nəsə demək çətindir. Azərbaycanın turizm obyektlərində qiymətlər hökumət tərəfindən deyil, bazar qaydaları ilə nizamlanır.
"Lakin buna baxmayaraq son vaxtlar ölkənin bəzi bölgələrində qiymət enməsi müşahidə olunur və mən bu prosesin davam edcəyinə əminəm", - deyə nazir bildirib.
2002-ci ildə Azərbaycanda təqribən 90 mehmanxana fəaliyyət göstərirdi, hazırda isə mehmanxana və otellərin sayı 377-yə çatıb ki, onların da 59-u bölgələrdə inşa edilib.
Məqalə müəllifi ilə əlaqə ünvanı: [email protected]
