Azərbaycan, Bakı, 22 may / Trend , müxbir Ü.İsmayılova /
Azərbaycanın Nazirlər Kabineti "Sərnişin və yük daşıyan nəqliyyat vasitələrinin istifadəsi üçün lisenziya kartlarının verilməsi zamanı ekoloji tələblərə uyğunluğun yoxlama qaydaları və texniki təhlükəsizlik qaydaları"nı təsdiq edib.
Qərar imzalandığı gündən qüvvəyə minib - 20 may.
Qərara əsasən, lisenziya almış bütün sərnişin və yük daşıyan nəqliyyat vasitələri üç ayda bir dəfə texniki və texniki təhlükəsizlik qaydalarına uyğunluq baxışından keçməlidir.
Bu tələblər ölkə daxilində və beynəlxalq daşımada istifadə ediləcək nəqliyyt vasitəsi sahibləri, eləcə də bu tip nəqliyyat vasitələrinin şəxsi ixtiyarında olanlar qarşısında nəqliyyat vasitəsi üçün lisenziya alarkən qaldırılacaq.
Yoxlamaların keçirilməsi müvafiq texnika ilə təchiz edilmiş Azərbaycan Nəqliyyat Nazrliyinin səlahiyyətli strukturlarına tapşırılacaq.
Nəqliyyat vasitələri yoxlanılarkən əyləc, idarəetmə sükanı, ön və arxa şüşələr, arxa görüntü güzgüsü, şüşənin yuyulmasında isifadə edilən vasitələr, fənərlər, təkərlər, avtomobil kuzovu və s. konstruktiv hissələr baxışdan keçiriləcək.
Məqalə müəllifi ilə əlaqə ünvanı: [email protected]