Azərbaycan, Bakı, 26 may / Trend , müx. İ.Xəlilova /
Çərşənbə axşamı Azərbaycan parlamenti gömrük, xüsusilə saxta və keyfiyyətsiz məhsulların idxalı ilə bağlı qanunların pozulması zamanı məsulliyyətin gücləndirilməsi məqsədi ilə İnzibati Qanun Pozuntuları Məcəlləsinin layihəsinə əlavə və dəyişiklikləri ratifikasiya edib.
Yalnış təqdim etmə, yəni AR-in sərhədindən keçirilən əmtəə və nəqliyyat vasitələri, onların tələb olunan gömrük rejimində yerləşdirilməsi və gömrük ödənişləri haqqında düzgün olmayan məlumatın təqdim edilməsi üçün cərimə sanksiyalarının məbləği üç-yeddi dəfə artırılıb. Cərimələr fiziki şəxslər üçün 5-10 manatdan 20-50 manata, vəzifəli şəxslər üçün 10-30 manatdan 70-100 manata, hüquqi şəxslər üçün 50-100 manatdan 150-250 manata qədər artırılıb.
Gömrük-nəzarət zona rejiminin pozulmasına görə, yəni gömrük məntəqələrindən qeyri-qanuni keçmə, icazə olmadan istehsal və kommersiya fəaliyyətinin həyata keçirilməsinə görə fiziki şəxslər üçün cərimə 5-10 manatdan 20-50 manata, vəzifəli şəxslər üçün 15-35 manatdan 100-200 manata, hüquqi şəxslər üçün 50-110 manatdan 250-500 manata qədər artırılıb.
Gömrük nəzarəti altında olan əmtəə və nəqliyyat vasitələri üçün müddət sənədlərinin təqdim edilməməsi üçün cərimə sanksiyaları fiziki şəxslər üçün 2-10 manatdan 20-50 manata, vəzifəli şəxslər üçün 10-40 manatdan 70-100 manata, hüquqi şəxslər üçün 30-100 manatdan 250-500 manata qədər artırılıb. Gömrük sənədlərinin itirilməsi üçün cərimə 70-100 manat civarında təyin edilir (əvvəllər 10-40 manat ətrafında idi).
Gömrük sərhədlərini nəqliyyat vasitələri ilə keçmə qaydalarının pozulmasına görə 20-50 manat (əvvəllər 5-10 manat olub), vəzifəli şəxslər üçün 75-150 manat (10-50 manat) və hüquqi şəxslər üçün 250-500 manat (30-100 manat) məbləğində cərimə tətbiq olunacaq. Sərhədlərin gəmilər və digər üzmə vasitələri tərəfindən pozulmasına görə cərimə sanksiyaları fiziki şəxslər üçün 5-25 manatdan 50-100 manata, vəzifəli şəxslər üçün 10-50 manatdan 75-150 manata, hüquqi şəxslər üçün 50-100 manatdan 250-500 manata qədər artırılıb. Gömrük sənədləşdirilməsi qaydalarına riayət edilməməsinə görə, xəbərdarlıqlar ediləcək və 5-7 manatdan 20-50 manata, 10-50 manatdan 75-150 manata, 30-100 manatdan 250-500 manata qədər cərimə tətbiq ediləcək
Azad gömrük zonalarında qurğuların, binaların tikilməsi, istehsal və kommersiya fəaliyyətinin həyata keçirilməsi qaydalarının pozulmasına görə cərimələr 50-100 manat (əvvəllər 5-20 manat olub), 100-250 manat (20-50 manat) və 250-500 manat (50-100 manat) olacaq. Nişansız əmtəələrin idxalına görə 150-250 manat (35-40 manat), 300-500 manat (80-90 manat) və 1000-3000 manat (200-300) məbləğində cərimə tutulacaq.
Gömrük brokerinin qeyri-qanuni fəaliyyəti və ya qaydaların bu kimi fəaliyyət tərəfindən pozulmasına görə cərimələr 350-500 manat (hazırda 100-200 manatdır), gömrük daşıyıcısı üçün isə 300-500 (50-200 manat) manata qədər olacaq.
Gömrük işi tələblərinin vəzifəli şəxslər, müəssisənin və təşkilatların işçiləri tərəfindən yerinə yetirilməməsinə görə cərimələr 10-50 manatdan 75-150 manata qədər artırılıb.
26 may üçün rəsmi məzənnə 0,8036 AZN/USD təşkil edir.
