Azərbaycan, Bakı, 05 iyun / Trend , müxbir N.İsmayılova /
2009-cu ilin birinci rübünün yekunlarına əsasən fiziki şəxslərin Azərbaycanda Əmanətlərin Sığortalanması Fondunun (ADİF) bank üzvlərinə əmanət qoyuluşları 1,75 milyard manat təşkil edib, fondun məlumatında bildirilib.
Onlardan sığorta olunmuş əmanətlər 1097,698 milyon manat, sığorta olunmamış əmanətlər 126,484 min manat təşkil edir. 522,68 min manat fiziki şəxslərin sığorta olunmamış əmanətlərinin payına düşür.
Ölkədə əmanət qoyuluşlarının 63 faizi sığortalanıb, 37 faiz isə sığortalanmayıb.
Fiziki şəxslərin ADİF bank üzvlərinə əmanət qoyuluşları 3 ay ərzində 36,605 min manat və ya 2 faiz artıb, sığorta olunmuş əmanətlər 275,771 min manat və ya 20 faiz azalıb.
Fondda sığorta olunmuş əmanətlərin həcminin "Əmanətlərin sığortalanması haqqında" Qanuna düzəlişlərin qüvvəyə minməsi ilə əlaqədar olaraq artacağı gözlənilir. Düzəlişlərə görə, sığorta olumuş əmanətlər üçün maksimal məbləğ 2009-cu il yanvarın 1-dən 30 min manat təşkil edir və bu MDB məkanında maksimal məbləğ hesab olunur. Müqayisə üçün Qazaxıstanda kompensasiyanın məbləği 33 min dollar təşkil edir, Rusiyada isə 25 min dollar.
ADİF 13 avqust 2008-ci ildə fəaliyyətə başlayıb.
İyunun 05-nə olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]