Azərbaycan, Bakı, 08 iyun / Trend , müxbir C.Babayeva /
Azərbaycan İyunun 10-12-də Minskdə keçiriləcək Standartlaşdırma, Metrologiya və Sertifikatlaşdırma üzrə Dövlətlərarası Şuranın 35-ci iclasında iştirak edəcək.
"İclasda dövlət komitəsi rəhbərinin başçılıq etdiyi nümayəndə heyəti iştirak edəcək", - Standartlaşdırma, Metrologiya və Patent üzrə Dövlət Komitəsindən bildiriblər.
İclasda standartlaşdırma, metrologiya, texniki tənzimləmə, sertifikatlaşdırma və akkreditasiya sahəsində yeniliklər müzakirə ediləcək, təcrübə mübadiləsi və yeni normativ sənədlər qəbul olunacaq.
Şuranın əvvəlki iclası ötən ilin dekabrında Kiyevdə keçirilib.
Azərbaycanın Standartlaşdırma, Metrologiya və Patent üzrə Dövlət Komitəsi standartlaşdırma, metrologiya, sertifikatlaşdırma və sənaye mülkiyyəti obyektlərinin qorunması sahəsində dövlət siyasətini formalaşdıran və onu həyata keçirən icraedici hakimiyyətin mərkəzi orqanıdır.
Məqalə müəllifi ilə əlaqə ünvanı: [email protected]