Azərbaycan, Bakı, 10 iyun / Trend /
Azərbaycanın Nəqliyyat Nazirliyi iyunun 11-12-də Alma-Atada Beynəlxalq avtomobil nəqliyyatı ittifaqının "Böyük İpək yolunun canlanması: niyyətdən realığa doğru" mövzusunda V Avrasiya avtonəqliyyat konfransında iştirak edəcək. Bu barədə nazirliyin məlumatında deyilir.
Nəqliyyat Nazirliyini konfransda nazirlik aparatının rəhbəri Cavid Nəcəfov və "Avtonəqliyyatservis" Departamentinin Baş Nəqliyyat Müfəttişliyinin rəis müavini Yaqub Novruzov təmsil edəcək.
Görüşdə, həmçinin Qazaxıstanın Baş naziri Serik Əhmədov və Qazaxıstanın nəqliyyat və kommunikasiya naziri Abelqazi Kusainov iştirak edəcək.
Konfransın işində nəqliyyat idarələrinin və beynəlxalq təşkilatların, maliyyə institutlarının, Avropa və Asiya ölkələrinin nəqliyyat şirkətlərinin nümayəndələri iştirak edir.
Görüşün nəticələri barədə Alma-Ata bəyannaməsi imzalanıb.