Azərbaycan, Bakı, 12 iyun / Trend , müxbir N.İsmayılova /
"Azfinansbak" internet-bankinq xidmətlərinin tətbiqini ilin sonuna kimi tamamlayacaq. Bu barədə bankın Müşahidə Şurasının sədri Xəyal Məmmədxanlı bildirib.
"Artıq İnternet-bankinq sisteminin tətbiqi üzrə işlər aparılır. Təqribən ilin sonuna kimi bu işlər tamamlanacaq", - deyə Məmmədxanlı bildirib.
Onun sözlərinə əsasən, internet-bankinq bank ximətlərinin bütün spektrini əhatə edir.
Azərbaycanın Mərkəzi Bankı ötən ilin noyabr ayında "Azfinansbank"a bank fəaliyyətinin həyata keçirilməsi üçün icazə verib. 2008-ci ildə bank lisenziyası almış "Azfinansbank" ikinci kommersiya bankdır. Bank 10 milyon manat nizamnamə kapitalı ilə yaradılıb.
Bank iki fiziki və bir hüquqi şəxs tərəfindən təsis edilib.
İyunun 12-nə olan rəsmi məzənnə 0,8038 AZN/USD təşkil edir.
Məqalə müəllifi ilə əlaqə ünvanı: [email protected]