Azərbaycan, Bakı, 18 iyun / Trend , müxbir U.İsmayılova /
Azərbaycandan xaricə məzuniyyətə gedən vətəndaşların sayı 25-30 faiz azalıb, cümə axşamı Mədəniyyət və Turizm Nazirliyinin turizm şöbəsinin rəhbəri Aydın İsmiyev bildirib.
"Son zamanlar putyovka günlərinin sayı orta hesabla 20-dən 10 günə düşüb", - İsmiyev deyib.
Onun sözlərinə görə, bu vəziyyət dünya maliyyə böhranı nəticəsində yaranıb və eyni zamanda bir çoxları istirahət xərclərinə qənaət etməyə üstünlük verir.
"Azərbaycanlı turistlərin əksəriyyəti yaxın məsafə, sadə tariflər və ünsiyyət çətinliyinin olmaması səbəbindən əvvəlki vaxtlarda olduğu kimi, Türkiyə kurortlarına putyovka alırlar", - o deyib.
Daxili turizmin vəziyyətindən danışarkən İsmiyev qeyd edib ki, gələn turistlər barədə konkret məlumat yoxdur. Buna baxmayaraq, yerli otel və turizm obyektlərində gələn turistlərin sayının azalması müşahidə olunmur.
Azərbaycanda 250 turist şirkəti və 300 turist obyekti fəaliyyət göstərir.
Məqalə müəllifi ilə əlaqə ünvanı:[email protected]
