Azərbaycan, Bakı, 23 iyun / Trend , müxbir N.İsmayılova /
"Moody's Beynəlxalq reytinq agentliyi Azərbaycan Beynəlxalq Bankının (ABB) yerli valyutada uzunmüddətli və qısamüddətli depozitlər üzrə reytinqlərini əvvəlki Baa2/Prime-2-dən Baa3/Prime-3 və xarici valyutada uzunmüddətli subordinə edilmiş borc üzrə Baa3-dən Ba1-ə qədər aşağı salıb", - agentliyin məlumatında deyilir.
Bununla yanaşı, Moody's xarici valyutadakı Ba2 depozitinin uzunmüddətli qiymətləndirməsinə proqnozunu "müsbət"dən "sabit"ə dəyişib ki, buna da səbəb bir müddət əvvəl xarici valyutadakı depozitin Ba2 səviyyəsində ölkə tavanının "müsbət"dən "sabit"ə dəyişdirilməsidir. Depozitin uzunmüddətli qiymətləndirilməsi ölkə tavanı ilə məhdudlaşdırılmaqda davam edir.
Bankın digər reytinqlərinə - xarici valyutada qeyri-əsas depozitinin qısamüddətli qiymətləndirilməsi və bankın maliyyə potensialının reytinqi (BFSR) - bu hərəkətlərlə toxunulmayıb və əvvəlki E + səviyyəsində saxlanılıb.
Məqalə müəllifi ilə əlaqə ünvanı: [email protected]
