Azərbaycan, Bakı, 04 iyul / Trend , müxbir E.İsmayılov/
Azərnbaycan Dövlət Xəzər dəniz gəmiçiliyi 10 "Kişinyov" tipli gəminin Qara dəniz hövzəsindən Xəzər hövzəsinə çəkmək qərarı verib. Bu barədə şənbə günü KASPAR-ın rəhbəri Aydın Bəşirov məlumat verib. Qərar maliyyə-iqtisadi böhran üzündən Qara dəniz Aralıq dənizi hövzələrində yük daşımalarının azalması ilə əlaqədar qəbul edilib, deyə Bəşirov bildirib.
"Böhranla əlaqədar olaraq hazırda bir çox gəmilər yük gözləmək məcburiyyətindədirlər. Dayanmaların və zərərin qarşısını almaqdan ötrü "Kişinyov" tipli 10 gəmini Xəzərər dənizinə çəkmək qərarına gəldik", - Bəşirov deyib.
Onun sözlərinə əsasən, Xəzərdə yük Qara dənizdən çox olacaq. "KASPAR-ın Qara dənizdə üzən bir çox gəmilərinin istismar müddəti 25 ili ötüb və gəmi kirayəçiləri yük nəqlini daha təzə gəmilərlə həyata keçirmək niyyətindədirlər", - Bəşirov qeyd edib.
Qurum rəhbərinin sözlərinə əsasən, bu il KASPAR 13 milyon tondan artıq yük daşımağı planlaşdırır. Yüklərin ümumi həcminin 70 faizini neft və neft məhsulları təşkil edir.
"Hazırda Xəzər dənizində rəqabət var. Qazaxıstan və Türkmənistan gəmilər alır. Bütün bunlara baxiayaraq KASPAR liderliyini qoruyub saxlayacaq", - Bəşirov əlavə edib.
Məqalə müəllifi ilə əlaqə ünvanı: [email protected]
