Qazaxıstan, Astana, 28 iyul / Trend , müxbir K.Konırova /
"Evroyl" (Macarıstan) şirkəti və Çinin körpülərin və yolların inşası üzrə korporasiyası Almatı-Kapşaqay yolu layihəsinin həyata keçirilməsi üzrə müsabiqənin qalibi olub. Bu barədə Trend -a Nəqliyyat və və Kommunikasiya Nazirliyinin mətbuat xidmətindən bildirilib.
"Bu gün respublikanın Nəqliyyat və və Kommunikasiya Nazirliyində Almatı-Kapşaqay avtomobil yolunun yenidən qurulması üzrə konsessiya layihəsini həyata keçirməyə iddia edən şirkətlərin müsabiqə ərizələri açılıb. Həmin şirkətlər "Evroyl"(Macarıstan) və Çinin körpülərin və yolların inşası üzrə korporasiyasıdır", - mətbuat xidmətindən bildirilib.
İdarənin məlumatına əsasən, uzunluğu 104 km olan yolun yenidən qurulmasının dəyəri 64,4 milyard tengə və ya 429 milyon dollar təşkil edir.
Hərəkətin hazırda intensivliyi sutkada 15700 avtomobildən çoxdur. İşlərin tamamlanmasından sonra hərəkətin intensivliyinin illik artırılması 6-8 faiz təşkil edəcək, sonda sutkada 53 minə çatacaq.
Layihə 30 il müddətinə konsessiyaya veriləcək. Yenidənqurmanın planlaşdırıldığı dövr 2010-1012-ci illərdir.
"KazDorNİİ" SC-nin hazırladığı texniki-iqtisadi əsaslandırmaya əsasən, sözügedən avtomobil yolunun yenidən qurulması Kapşaqay su anbarı istirahət zonasının, həmçinin Almatıya yaxın rayonların iqtisadi inkişafına müəyyən yatırım qoymağa imkan yaradacaq.
Məqalə müəllifi ilə əlaqə ünvanı: [email protected]
