Azərbaycan, Bakı, 05 avqust / Trend , müxbir N.İsmayılova /
Azərbaycan Beynəlxalq Bankı (ABB) 500 milyonluq adi sənədli, adlı səhm emissiyalarının yerləşdirilməsinə yekun vurub. Bu barədə bankdan məlumat verilib.
Səhmlərin yerləşdirilməsinə ötən il sentyabrın 1-dən başlanılıb, 2009-cu il iyunun 30-da başa çatıb. ABB səhm emissiyalarının ümumi həcmi 500 milyon səhm təşkil edib, hər birinin nominal dəyəri 0,20 manat olub. Ümumilikdə 1098 saziş bağlanılıb. Səhmlərin yerləşdirilməsindən bank 100 milyon manat alıb.
İyulun 1-nə ABB-nin müştərək kapitalı 446,15 milyon manat, nizamnamə kapitalı isə 197,59 milyon manat təşkil edib. Bankın işlək plastik kartlarının sayı 1 589 333 ədəd, bankomatlarının sayı 587, POS-terminallarının sayı 2 692, filiallarının sayı isə 37-dir.
Avqustun 05-nə olan cari məzənnə 0,8042 AZN/USD təşkil edir.
Məqalə müəllifi ilə əlaqə ünvanı: [email protected]