Azərbaycan, Bakı, 06 avqust / Trend , müxbir İ.Xəlilova /
Azərbaycan bankı Əmrahbank-ın səhmdarları ölkə hüdudlarından kənarda - Londonda və Əbu-Dabidə iki yeni filialın açılması barədə qərar qəbul ediblər. Bunu cümə axşamı bankın İdarə Heyətinin sədri Emil Məmmədov deyib.
"Londonda nümayəndəliyin açıması barədə ilkin danışıqlar artıq aparılıb. Lakin əgər ardıcıllıqla olsa, tezliklə ilk ofis Əbu-Dabidə açılacaq. Nə qədər ki, onların hər biri üçün ayrılıqda hazırlanmalı və nümayəndəlik funksiyasının təminatı üçün təsdiqlənməli hüquqi baza var, konkret müddət göstərmək bu gün çox çətindir", - Məmmədov deyib.
Onun sözlərinə görə, hazırkı proses hələki ilkin mərhələdədir. Bundan əlavə, əvvəl bu ofislər üçün parametrlər qurulmalıdır: onlar nə edəcəklər və hansı funksiyaları yerinə yetirəcəklər. Əbu-Dabidəki ofis Azərbaycan və BƏƏ iş adamları üçün körpü funksiyasını yerinə yetirəcək.
Məmmədovun sözlərinə görə, Londonda nümayəndəliyin açılması ilə əsas vəzifə oradakı maliyyə strukturları ilə bankımızın münasibətlərini təşkil etmək, əlaqələri yaxşılaşdrımaq, möhkəmləndirmək və inkişaf etdirmək olacaq.
Əmrahbank-ın nizamnamə kapitalında səhmlərin 49 faizi Bəhreyndə yerləşən Beynəlxalq İnvestisiya Bankına aiddir. Bankın daxil olması müsbət dəyişikliklərdə, korporativ idarəetmə, beynəlxalq əməkdaşlıq, məhsulların və xidmətin keyfiyyəti də daxil omaqla bir sıra fəaliyyət sahələrində və bankın həyatında mühüm rol oynayıb.
Bu gün artıq iki bankın - Azərbaycan Beynəlxalq Bankının (ABB) və AVRO Bankın (əvvəlki Azinvestbank) Londonda nümayəndəliyi var.
Bu gün Azərbaycan banklarından ABB-nin daha çox xarici nümayəndəliyi var. Hazırda ABB-nin nümayəndəliyi Frankfurt (Almaniya), London (Böyük Britaniya), Lüksemburq, Nyu-York, Dubayda, törəmə bankları Moskva fə Tbilisidə fəaliyyət göstərir. ABB-nin gələcək planlarına Qətər, Qazaxıstan, Ukraynada nümayəndəlik, yaxud törəmə strukturlar açmaq daxildir.
Avqustun 7-nə olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
