Azərbaycan, Bakı, 07 avqust / Trend , müxbir N.İsmayılova /
Avqustun sonuna kimi Azərbaycan bankı Azəqnəqliyyat Bank qısamüddətli və ortamüddətli perspektivdə maliyyə proqnozlarının hazırlanmasını başa çatdıracaq, bu barədə cümə günü bankın İdarə Heyətinin sədri Emin Məmmədov bildirib.
"Bankın fəaliyyətinin proqnozlaşdırılması onun cari vəziyyətinin, bötüvlükdə ölkənin maliyyə bazarındakı vəziyyətin qiymətləndirilməsi əsasında həyata keçirilir. Fəaliyyət analizi birinci yarımil ərzindı bankın yeni rəhbərliyi tərəfindən həyata keçirilib", - deyə Məmmədov bildirib.
Onun sözlərinə əsasən, sözügedən qiymətləndirmə Azərnəqliyyat Bank-ın inkişaf strategiyasının işlənib hazırlanmasına başlanılması üçün əsas olub və bu işin bir hissəsi kimi qısamüddətli və ortamüddətli perspektivdə maliyyə proqnozlarının hazırlanmasına başlanılıb.
Son 10 ay ərzində Azərnəqliyyat Bank-da bir sıra dəyişikliklər həyata keçirilib. 2008-ci ilin oktyabrında bankın səhmlərinin majoritar paketi yeni səhmdarlar tərəfindən yenidən alınıb, bunun da nəticəsində praktiki olaraq kredit təşkilatının rəhbərlik heyətinin tərkibi dəyişdirilib.
"Birinci yarımil kifayət qədər çətin, eyni zamanda maraqlı idi. Struktur və kadr dəyişiklilləri də daxil olmaqla bir çox istiqamətlərdə işlər həyata keçirilib", - deyə Məmmədov bildirib.
Onun sözlərinə əsasən, bankın təşkilati strukturu dıyişdirilib, yeni komitələr, departamentlər və şöbələr yaradılıb, həmçinin ixtisaslı mütəxəssislər cəlb olunub. Bankın strategiyasının müəyyənləşdirilməsi, daxili prosedurların və korporativ idarəetmə standartlarının təkmilləşdirilməsi, yeni bank məhsullarının işlənib hazırlanması, texnologiya bazalarının (IT) təkmilləşdirilməsi və filial şəbəkəsinin genişləndirilməsi üzrə işlər həyata keçirilir.
"Ölkə regionlarında üç yeni filial açılıb və ilin sonuna kimi daha beş filialın açılması gözlənilir", - deyə o bildirib.
Onun fikrincə, maliyyə göstəriciləri nöqteyi-nəzərindən birinci yarımil bank üçün kifayət qədər uğurlu olub, belə ki, onun göstəriciləri bir çox dəfə artıb.
"Bankın likvidlik əmsalı kifayət qədər yüksək olub ki, bu da əmanətçilər qarşısında öhdəlikləri yerinə yetirməyə imkan verir", - deyə Məmmədov bildirib.
Azərnəqliyyat Bank 1989-cu ildə ticarət bank kimi təsis edilib. 2005-ci ildə statusu açıq səhmdar cəmiyyətə dəyişdirilib. Hazırda bankın Bakıda və ölkə regionlarında səkkiz filialı fəlaiyyət göstərir. Azərnəqliyyat Bank-ın aktivləri iyulun 1-də 69,72 milyon manat təşkil edir ki, bu da ötən ilin analoji dövründəki göstəricidən 3,5 dəfə çoxdur. Müştərək kapital 12,72 milyon manat, nizamnamə kapital isə 10,78 milyon manat təşkil edir. Bankın xalis gəliri 16,7 dəfə arataraq 1,07 milyon manat təşkil edir.
Avqustun 7-nə olan rəsmi məzənnə 0,8041 AZN/USD təşkil edir.
Məqalə müəllifi ilə əlaqə ünvanı: [email protected]
