Azərbaycan, Bakı, 17 avqust / Trend , müxbir E. İsmayılov /
Azərsun Holding şirkətlər qrupu Kürdəmirdə (Azərbaycanın mərkəzi hissəsində yerləşir) süd məhsulları istehsal edəcək yeni fabrikin inşasını 2009-cu ilin sonunda tamamlamağı planlaşdırır. Əvvəllər süd məhsullarının istehsalına 2010-cu ilin birinci rübündə başlanması planlaşdırılırdı.
Bu layihənin həyata keçirilməsinə qoyulmuş investisiyanın məbləği 6 milyon manatdır. Müəssisənin istehsal gücü saatda 5 tondur.
"Fabrikin inşası üzrə iş davam etdirilir. Xüsusən də hazırda lazımlı avadanlıqların montajı aparılır. Tikinti işlərinin bu ilin sonunda qurtaracağı gözlənilir", - mənbə deyib.
Onun sözlərinə görə, yeni fabrikin inşası bu rayonda heyvandarlığın inkişafına da şərait yaradacaq.
Bu müəssisənin yaradılması ilə yeni iş yerlərinin açılçası nəzərdə tutulur. Bu da Azərbaycan regionlarının sosial-iqtisadi inkişafına dair dövlət proqramının əsas məqsədini təşkil edir.
Azərsun Holding 1992-ci ildə yaradılıb. Holdingin fəaliyyət sahələri bunlardır: çay, bitki yağlarının emalı və qablaşdırılması, ticarət və distribütorluq, inşaat, bank işləri, sığorta, karton-kağız istehsalı, ət və tərəvəz konservləri, yüklərin daşınması və saxlanılması və s.
Avqustun 17-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
