Türkmənistan, Aşqabad, 29 avqust / Trend , müxbir Q.Həsənov /
Cari ilin ilk yarısında 2008-ci ilin analoji dövrünə nisbətən investisiyalardan istifadə 2,5 dəfə artıb, Türkmənistan Prezidenti Qurbanqulu Berdımuhammedov bir gün əvvəl Antalyada (Türkiyə) investisiya forumunda çıxışında məlumat verib.
Bu haqda Altın Əsir milli telekanal xəbər verib. 2005-2008-ci illərdə infrastrukturun inkişafı, sənaye, kənd təsərrüfatı və sosial sahələr üzrə ümumi kapital qoyuluşunun 16 milyard 97 milyon dollar təşkil etdiyi də qeyd edilib.
Türkmənistan 90-dan çox dünya dövləti ilə ticari-iqtisadi əlaqələr saxlayır. Berdımuhammedovun sözlərinə görə, türkmən iqtisadiyyatının - ümumi daxili məhsulun (ÜDM) sabit artım, xarici ticarət dövriyyəsi və ixrac əməliyyatlarının sabit xarakteri var.
Prezident bildirib ki, vaxtında görülən tədbirlər sayəsində qlobal maliyyə böhranının mənfi nəticələrinin qarşısını almaq mümkün olub.
Məqalə müəllifi ilə əlaqə ünvanı: [email protected]
