Azərbaycan, Bakı, 30 sentyabr / Trend /
Bu ilin noyabr ayında Bakıda TRACECA nəqliyyat dəhlizinin milli katiblərinin, Avropa Komissiyası ekspertlərinin və nəqliyyat idarələri nümayəndələrinin iclası keçiriləcək, iclasda nəqliyyat dəhlizinin inkişafı üzrə prioritet layihələrin müəyyənləşdirilməsi planlaşdırılır, bu barədə çərşənbə günü TRACECA-da Azərbaycandan olan milli katib Akif Mustafayev bildirib.
Mustafayevin sözlərinə əsasən, layihələrin sonuncu müzakirəsi sentyabrın sonunda Brüsseldə keçirilib. Azərbaycan layihələrin sayının azaldılması hesabına onlara cəlb olunan ölkələrin sayının çoxalması təklifi ilə çıxış edib.
Eyni zamanda, Bakıda keçiriləcək görüş zamanı nəqliyyat dəhlizinin rəqabətqabilliyətinin artırılması, təşkilatın yenidən formalaşdırılması, multimodal daşınmalar üzrə məsələlərin müzakirə edilməsi planlaşdırılır.
Hazırda TRACECA-nın iştirakçı dövlətləri Azərbaycan, Bolqarıstan, Gürcüstan, Qazaxıstan, Qırğızıstan, Ermənistan, Moldova, Rumıniya, Tacikistan, Türkmənistan, Türkiyə və Ukraynadır.
Məqalə müəllifi ilə əlaqə ünvanı: [email protected]