Azərbaycan, Bakı, 30 sentyabr / Trend , müxbir Ü.İsmayılova/
Azərbaycanın iri sığorta şirkətlərindən biri olan "Qarant Sığorta" ilin sonunadək haqları 10 milyon manata çatdırmaq niyyətindədir. Bu barədə şirkətin İdarə Heyətinin sədri Vaqif Həsənov cümə günü bildirib.
"Bu plan şirkət rəhbərliyi tərəfindən ilin əvvəlində hazırlanıb, böhran vəziyyətinə baxmayaraq proqnoz dəyişməyib", - Həsənov deyib. Proqnozlar ilin birinci yarısında bank sektorunda əməliyyatlarlın həcminin azalması səbəbindən təkrar gözdən keçirilsə də onlar yerinə yetirilib.
Bazardakı fəallığının azalması səbəbindən "Qarant Sığorta" şirkəti ölkə banklarına saxlanması üçün 5 milyon manat verib.
"Vəziyyətin stabilləşməsi ilə əlaqədar olaraq özəl sektorda ən çox satılan sığorta vəsiqələrinin - Qarant Ev, Qarant Avtomobil, Qarant Uşaq vəsiqələrinin hesabına haqları artırmağı planlaşdırırıq", - Həsənov deyib.
Onun sözlərinə görə, ilin sonunda səhmdarlar həmçinin şirkətin nizamnamə kapitalının artırılması məsələsinə baxacaqlar. Hazırda şirkətin nizamnamə kapitalı 4 milyon manat təşkil edir.
Qarant Sığorta 2007-ci ilin noyabr ayında Azərbaycanın Maliyyə Nazirliyindən sığorta fəaliyyəti üçün lisenziya əldə edib. Qarant Sığorta ZQAN Holdings-in tərkibinə daxildir. Şirkətin nizamnamə kapitalı 4 milyon manat təşkil edir. Şirkət sığortanın 18 könüllü və dörd icbari növü üzrə xidmət göstərir. Şirkətin haqları yanvar-avqust aylarında 1,96 milyon, ödəmələri isə 0,13 milyon manat təşkil edib.
Sentyabrın 30-na olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected].
