Azərbaycan, Bakı, 05 oktyabr / Trend , müxbir N.İsmayılova/
2009-cu ilin yanvar-avqust aylarında Azərbaycanın dövlət büdcəsinin mədaxil hissəsinə faktiki daxilolmalar 6 539,1 milyon manat (ÜDM-in 31,7 faizi) təşkil edib ki, bu da ötən ilin müvafiq dövründəki göstəricidən 2,2 faiz azdır. Bu barədə bazar ertəsi hökumətdən deyilib.
Dövlət büdcəsinin xərcləri 0,6 faiz artaraq 5861,1 milyon manat (ÜDM-in 33,2 faizi) təşkil edib. 8 ay ərzində büdcənin profisiti 677,7 milyon manat təşkil edib ki, bu da ÜDM-in 3,3 faizini təşkil edir.
Strukturda gəlirin 34,7 faizi (2270,7 milyon manat) Vergilər Nazirliyinin hesabına təmin edilib. Gömrük rüsumları və vergilərindən gələn gəlir 794,6 milyon manat (12,2 faizlik xüsusi çəki) təşkil edib.
Hesabat dövrü ərzində ƏDV-dən 1312,8 milyon manat gəlir daxil olub ki, bu da ümumi gəlirin 20,1 faizini təşkil edir. Mənfəət vergisi - 770,5 milyon manat (11,8 faiz), gəlir vergisi - 390,4 milyon manat (6 faiz), aksiz vergisi - 173,2 milyon manat (2,6 faiz), əmlak vergisi - 52,2 milyon manat (0,8 faiz), yeraltı sərvətlər vergisi - 62 milyon manat (0,9 faiz), xarici iqtisadi fəaliyyətə görə vergi isə 162,7 milyon manat (2,5 faiz) təşkil edib.
Əhalinin sosioal müdafiəsi və təminatına dövlət büdcəsindən yanvar-avqust aylarında 728,8 milyon manat (12,4 faizlik xüsusi çəki) xərclənib. Təhsilə - 716,5 milyon manat (12,2 faiz), səhiyyəyə - 223,7 milyon manat (3,8 faiz), prokurorluq, təhlükəsizlik, hüquq-mühafizə orqanlarının saxlanılmasına - 371,9 milyon manat (6,3 faiz), iqtisadiyyata investisiya qoyuluşuna - 2516,8 milyon manat (42,9 faiz) xərclənib. Qoyulan kapitalın ümumi həcminin 110,8 milyon manatı (1,9 faiz) kommunal xərclərə, 187,5 milyon manat (3,2 faiz) kənd meşə təsərrüfatı və balıqçılığa, 43,2 faiz isə (0,7 faiz) nəqliyyat və rabitəyə yönəldilib.
Dövlət xərclərinin 31,6 faizi (1854,1 milyon manat) əməkhaqqılar, pensiyalar və maddi yardımın ödənilməsinə sərf edilib.
Oktyabrın 05-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
