Azərbaycan, Bakı, 10 oktyabr / Trend , müxbir Ü.İsmayılova /
Azərbaycan Dövlət Standartlaşdırma,Meterologiya və Patent üzrə Komitəsi ölkədə etalon mərkəzinin yaradılması istiqamətində aparılan işlərdən narazıdır. Bu haqda Dövlət Komitəsinin başçısı Ramiz Həsənov "Yeni Azərbaycan" partiyasının saytında yerləşdirlən müsahibəsində bildirib.
"Etalon mərkəzinin yaradılması Dövlət komitəsinin xüsusi diqqət ayırdığı məsələlərdən biridir", - Həsənov bildirib.
Onun sözlərinə görə, mərkəzin yaradılması istiqamətində müəyyən irəliləyişlər müşahidə edilir. Lakin bu kifayət deyil.
Həsənovun sözlərinə əsasən, dəqiq ölçülərin olmadığı və onların beynəlxalq standartlara uyğun olmadığı halda malların və xidmətlərin keyfiyyəti haqda danışmaq çətindir.
Standartlaşdırma üzrə dövlət komitəsi hazırda alınmış standartların qurulması və tətbiqi üzrə işlər həyata keçirir, həmçinin etalon bazasının genişlənməsi üçün proqram hazırlayır, Həsənov belə deyib.
"Ümumilikdə etalon mərkəzinin yaradılması çətin, səmərəli, eyni zamanda ölkənin iqtisadi potensialını xarakterizə edən prosesdir.
Onun sözlərinə əsasən, Dövlət komitəsi vaxtaşırı avadanlıqları və ölçü vasitələrini yoxlamalıdır. Bununla əlaqədar olaraq, Avropa ölkələrinə müraciət etmək lazım gəlir ki, bu da ölkədən külli miqdarda pul axınına gətirib çıxarır.
"Biz bu prosesin qarşısını almaq məqsədilə Azərbaycanda etalon mərkəzinin formalaşdırlması haqda qərar qəbul etmişik. İnanırıq ki, mərkəz yaxın günlərdə fəaliyyətə başlayacaq və ölkə iqtisadiyyatına öz töhfəsini verəcək", - Həsənov belə deyib.
Azərbaycanda etalon mərkəzi Aİ-dən ayrılmış qrant hesabına yaradılır. Beynəlxalq ekspertlərin qiymətləndirməsinə müvafiq olaraq, mərkəzin yaradılması üçün 3 il tələb edilir. Onun maliyyələşdirilməsi üçün isə 15 milyon avroya yaxın pul xərclənəcək.
Məqalə müəllifi ilə əlaqə ünvanı: [email protected]