Azərbaycan, Bakı, 14 oktyabr / Trend , müxbir Ü.İsmayılova/
Azərbaycanın Azərqarant sığorta şirkəti nizamnamə kapitalını ilin sonunadək 1.7 milyon manatdan iki milyon manatadək artırmaq niyyətindədir, çərşənbə günü şirkətin İdarə Heyətinin sədr müavini Şükür Hüseynov deyib.
O deyib ki, nizamnamə kapitalı səhmdarların hesabına artırılacaq.
Hüseynov deyib ki, nizamnamə kapitalının artırılması qərarı şirkətin İdarə Heyətinin noyabrda keçiriləcək iclasında təsdiq olunacaq.
Azərbaycan Maliyyə Nazirliyinin tələblərinə görə, 2010-cu il yanvarın 1-nə sığorta şirkətlərinin nizamnamə kapitalı iki milyon manat, təkrarsığorta şirkətlərinin nizamnamə kapitalı isə dörd milyon manat təşkil etməlidir.
Azərqarant sığorta şirkəti 1993-cü ildən Azərbaycan sığorta bazarında fəaliyyət göstərir. Şirkətin nizamnamə kapitalı 1.7 milyon manat təşkil edir. 2009-cu ilin yanvar-avqust aylarında şirkətin sığorta haqları 0.36 milyon manat, verdiyi ödəniş isə 0.07 miyon manat təşkil edib.
Məqalə müəllifi ilə əlaqə ünvanı: [email protected]
