Azərbaycan, Bakı, 15 oktyabr / Trend , müxbir N.İsmayılova/
MDB ölkələrinin "MDB-nin maliyyə və bank sistemlərinin dayanıqlılığının yüksəldilməsi" II Beynəlxalq Bank Konfransının iştirakçıları Azərbaycan Mərkəzi Bankına iştirakçı qismində MDB ölkələrinin hökumətlərarası bankına daxil olmağı təklif ediblər və bu təklif konfransın yekun sənədində öz əksini tapıb. Konfrans 14-15 oktyabrda Bakıda keşirilib.
"MDB Maliyyə-bank şurası konfrans iştirakçıları adından hökumət və icraedici orqanlara, MDB ölkələri mərkəzi banklarına tezliklə MDB hökumətlərarası bankının kapitallaşması və təşkil olunmasını nəzərdə tutan yeni nizamnamənin qəbul olunması haqqında müraciət etmək niyyətindədir", - sənəddə deyilir.
Bundan başqa, yekun sənəddə həmçinin, Azəricard və Coinstar kart mərkəzləri arasında olan layihənin reallaşmasının təsdiq olunması da nəzərdə tutulur.
Konfransın sonunda sənədin baxılması və təsdiq olunması üçün MDB ölkələri mərkəzi bankları və icraedici orqanlarına göndərilməsi barədə qərar verilib.
Konfrans MDB Maliyyə-bank şurası tərəfindən MDB-nin icra komitəsi, Azərbaycan Respublikası Prezidenti Administrasiyası, Azərbaycan Beynəlxalq Bankı və VTB-nin (VneşTorqBank) dəstəyilə keçirilir.
TREND agentliyi Beynəlxalq Bank Konfransına informasiya dəstəyi göstərir.