...

İslam İnkişaf Bankı Azərbaycanda enerji layihəsi üzrə böyük maliyyələşdirməni bəyənib

Biznes və iqtisadiyyat xəbərləri Materials 22 Oktyabr 2009 14:07 (UTC +04:00)

Azərbaycan, Bakı, 22 oktyabr / Trend , müxbir N.İsmayılova/

İslam İnkişaf Bankının Direktorlar Şurası bankın prezidenti Əhməd Məhəmməd Əlinin sədrliyi altında oktyabrın 20-də keçirilən 262-ci iclası çərçivəsində Azərbaycanda ümumi dəyəri 200 milyon dollar olan enerji layihəsinin maliyyələşdirilməsi bəyənilib, bankın məlumatında deyilir.

Məlumatda deyildiyi kimi, bankın Direktorlar Şurası 800 meqavatlıq yeni Cənub stansiyasının (Əli Bayramlı İstilik Stansiyası yaxınlığında) inşası üzrə layihəni bəyənib.

Layihənin maliyyələşdirilməsini üç bankdan - Bayerische landesbank, Societe Generale və Credit Suisse-dən ibarət konsorsium həyata keçirir. 300 milyon avro həcmində kredit 10 il müddətinə dövlət zəmanəti ilə təqdim edilib.

Bank konsorsiumunun kredit ehtiyatları stansiyanın inşası işlərinin dəyərinin yarısını ödəyəcək. Cənub stansiyası həm qaz, həm də mazutla işləyəcək. Stansiyada tikinti işləri Azərbaycanın AZENCO şirkət tərəfindən həyata keçirilir.

İslam İnkişaf Bankının iclası zamanı Albaniya, İordaniya, İndoneziya, Azərbaycan, Pakistan, Burkina-Faso və Benində 552 milyon dollar həcmində yeni layihələrin maliyyələşdirilməsi bəyənilib.

Allbaniyada ikinci dərəcli yolun və yerli əhəmiyyətli yolların yenidən qurulması layihəsi bəyənilib ki, buna isə bank 30 milyon dollar ayıracaq. Həmçinin İordaniyada Alqatrana elektrik stansiyasının inşası və idarə edilməsi layihəsi (80 milyon dollar); Pakistanda dəmir yollarının inkişafı layihəsi (140 milyon dollar); İndoneziyada tibb təhsilinin inkişafı, elmi-tədqiqat mərkəzi və iki universitet xəstəxanasınin inkişafı üzrə layihə (31,2 milyon dollar); Burkino-Fasoda tələbə yataqxanasının inşası və təchiz edilməsi üzrə layihə (9 milyon dollar); Benində Kandi-Seqbana-Nigeriya sərhəd yaxınlığındakı yolun inşası üzrə layihə (20 milyon dollar) bəyənilib.

İİB eyni zamanda Şri-Lankada ilk islamkommersiya bankının kapitalında iştirak məqsədilə 3,9 milyon dollar həcmində ödəmə və Yaxın Şərqdə və Şimali Afrikada ikinci dövlət sahibkarlıq şirkətinin maliyyələşdirilməsində iştiraka 2 milyon dollar qrantın ayrılmasını bəyənib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti