Azərbaycan, Bakı, 27 oktyabr / Trend /
Azərbaycanın bankı Ata Bank yanvar-sentyabr ayları üzrə fəaliyyətinin yekunlarını açıqlayıb, bu barədə şirkətin çərşənbə axşamı yayılan məlumatında deyilir.
Bankın aktivləri ilin əvvəlindən 42,5 faiz, yaxud 35,84 milyon manat artaraq 188,68 manat təşkil edib, məlumatda deyilir.
İl ərzində aktivlərin artımı 42,5 faiz təşkil edib. Bankın kredit portfeli bu il ərzində 29 faiz, yaxud 27,27 milyon manat artaraq 121,26 milyon manat təşkil edib.
Bankın bu dövr ərzində depozit portfeli 124,41 milyon manat təşkil edib, il ərzində artım isə 49,1 faiz, yaxud 40,97 milyon manat olub.
Ötən ilin analoji dövründə bankın depozit portfelinin artımi 37,3 faiz təşkil edib. Fiziki şəxslərin depozitlərinin həcmi ilin əvvəlindən 17,1 faiz, yaxud 9,69 milyon manat artaraq 66,27 milyon manata çatıb.
Bankın 2009-cu il sentyabrın sonuna olan xalis gəliri 3,559 milyon manat təşkil edib.