Azərbaycan, Bakı, 28 oktyabr / Trend , müxbir Ü.İsmayılova/
Azərbaycanda pensiyaların yeni ödəniş sisteminin tətbiqi sayəsində ölkədə minimal pensiyanın həcmi 90 manat olacaq. Bu barədə Dövlət Sosial Müdafiə Fondunun sədri Səlim Müslümov çərşənbə günü deyib.
"Pensiyaların yeni ödəniş sistemi 1 yanvar 2006-cı il tarixdən pensiyaya çıxan səxslərə şamil edilir", - Müslümov eyib.
Onun sözlərinə görə, Sosial Fond 1 yanvar 2006-cı ildən 1 oktyabr 2009-cu ilə qədər 167,891 min nəfərin yaşa görə pensiyasını müəyyən edib. Onlardan 60,4 faizi və ya 101,270 min nəfəri 75 manatlıq minimal pensiya alır ki, bu da bütün pensiyaçıların 39 faizini təşkil edir. Yalnız 4 faiz 300 manatdan yuxarı, 680 nəfər isə min manatdan artıq pensiya alır.
"Burada ədalətsizlik müşahidə olunur. Belə ki, bir sıra şəxslər son iki il ərzində yüksək əməkhaqqına dair qeyri-leqal arayış düzəldərək yüksək pensiya alırlar, 40 il fəaliyyət göstərən insanların pensiyasının baza hissəsi isə 75 manat hesablanır", - Müslümov deyib.
"Yeni sistemin tətbiqindən sonra isə tam şəffaflıq təmin ediləcək", - Müslümov belə hesab edir.
Yeni sistemə müvafiq olaraq, son 4 ildə hər il üçün hər bir vətəndaşa inflyasiya hesaba alınaraq 2006 (8,3%), 2007 (16,7%), 2008 (20,8%) və 2009-cu illərə görə 170 manatlıq pensiya kapitalı hesablanır.
Sonra bu ödəmələr fərdi hesabdakı vəsaitin üzərinə əlavə olunur. Bu məbləği 144 aya bölməklə pensiyanın sığorta hissəsi müəyyənləşdirilir. Bu da ölkədə pensiyanın baza hissəsinə əlavə edilir. Bu sistem pensiyanın minimal məbləğini 90 manatadək artırmaq imkanı verir.
"Yeni sistem ölkədə 10 milyon manatlıq əlavə xərclərə gətirib çıxaracaq. Əgər gələn ildən pensiya yaşı 6 ay artırılmasaydı, xərclər 20 milyon manat təşkil edəcəkdi", - Müslimov deyib.
Oktybrın 28-nə olan rəsmi məzənnə 0,8033 AZN/USD təşkil edir.
Məqalə müəllifi ilə əlaqə ünvanı: [email protected]
