...

Azərbaycan Mərkəzi Bankının valyuta ehtiyatları sentyabr ayı ərzində artıb

Biznes və iqtisadiyyat xəbərləri Materials 2 Noyabr 2009 20:02 (UTC +04:00)

Trend-i buradan izləyin

Azərbaycan, Bakı, 02 noyabr / Trend , müxbir N.İsmayılova/

Sentyabr ayı ərzində Azərbaycan Mərkəzi Bankının (AMB) valyuta ehtiyatları 100 milyon dollardan çox və ya 2 faiz artaraq 5103,7 milyon dollar təşkil edib. Bu barədə Bankın məlumatında deyilir. Avqustun 31-də Bankın valyuta ehtiyatları 5001,2 milyon dollar təşkil edib.

İlin əvvəli ilə müqayidə AMB-nin valyuta ehtiyatları 16,8 faiz azalıb. Yanvarın 1-də bankın valyuta ehtiyatları 6137 milyon dollar idi.

Keçən ilin sentyabr ayı ilə müqayisədə AMB-nin valyuta ehtiyatlarının səviyyəsi 6,2 faiz azalıb. 30 sentyabr 2008-ci il tarixində bu göstərici 5438,6 milyon dollara bərabər olub.

2009-cu ildə AMB valyuta ehtiyatları ilə onun sərəncamında yerləşən idarələrdən 50 milyon dollara yaxın gəlir əldə ediləcəyini gözləyir. İlin birinci yarısında AMB-nin mədaxili 23 milyon dollar təşkil edib.

İlin sonunda AMB valyuta ehtiyatlarının 5,5 milyard dollaradək artacağını proqnozlaşdırır, yəni 2009-cu ildə xərclənən vəsaitin bir milyard dolları geri qaytarılacaq. Əvvəllər ehtiyatların əvvəlki səviyyəyə çatacağı proqnozlaşdırılsa da, ARDNŞ-nin maliyyə dəstəyi göstərməsi səbəbindən proqnozlar təkrar gözdən keçirilib.

Hazırda 350 milyon dollara yaxın valyuta ehtiyatı xarici idarələrdədir. AMB-nin 3 xarici idarəsi var - Dünya Bankının xəzinədarlığı, İsveçrənin UBS bankı və Amerikanın JP Morgan bankı.

Məqalə müəllifi ilə əlaqə ünvanı: [email protected]

Xəbər lenti

Xəbər lenti