Gürcüstan, Tbilisi, 04 noyabr / Trend , müxbir N.Kirsxaliya/
Mixail Canelidze Gürcüstan İqtisadi İnkişaf Nazirliyinin Xarici ticarət və beynəlxalq iqtisadi əlaqələr departamentinin rəhbəri vəzifəsinə təyin edilib. Bu barədə çərşənbə günü nazirlikdən deyilib.
O, 1981-ci ildə anadan olub. 2002-ci ildə Tbilisi Dövlət Universitetinin Beynəlxalq hüquq və beynəlxalq münasibətlər fakultəsini bitirib. 2003-2006-cı illərdə RF-nin Diplomatik Akademiyasının Beynəlxalq hüquq fakultəsinin aspirantura pilləsində təhsil alıb. 2008-ci ildə Qrenobl ali biznes-məktəbinə imtahan verib.
2006-2009-cu illərdə "Beynəlxalq layihələrə dəstək xidməti", "Vissol qrup", "Velladcio", "Canelidze və şirkət" və "İberiya biznes qrupu" şirkətlərində işləyib.
Canelidze ingilis, alman və rus dillərini bilir.
Məqalə müəllifi ilə əlaqə ünvanı: [email protected]
