Azərbaycan, Bakı, 18 noyabr / Trend , müxbir Ü.İsmayılova/
Azərbaycan bankı Turan Bankın kredit portfeli ötən ilin müvafiq dövrü ilə müqayisədə 14% artaraq noyabrın 1-nə 73,7 milyon manat təşkil edib. Bu barədə bankın məlumatında deyilir.
Bankın gəlirləri 15,9% artaraq hesabat dövrü ərzində 13,2 milyon manat təşkil edib. Bankın aktivləri noyabrın 1-nə 103,3 milyoin manat təşkil edir ki, bu da ötənilki göstəricidən 26,7% çoxdur. Hesabat dövrü ərzində bankın balans mənfəəti 4,5%-lik artımla 2,5 milyon manat təşkil edib.
Bankın depozit portfeli 9,2% artaraq 32,3 milyon manat təşkil edib.
Bankın müştərək kapitalı il ərzində 12,9% artaraq noyabrın 1-nə 20,5 milyon manat, nizamnamə kapitalı isə 17 milyon manat təşkil edib (13,3%-lik artımla).
Bankın 5 hüquqi (21,8%) və 20 fiziki şəxsdən (78,2) ibarət olan 25 səhmdarı var.
Bu gün ölkədə bankın 11 filialı və 22 puldəyişdirmə məntəqəsi fəaliyyət göstərir.
Noyabrın 18-nə olan cari məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]