Azərbaycan, Bakı, 17 dekabr / Trend , müxbir E.İsmayılov/
2010-cu ildə Bakı-Quba-Rusiya sərhədi (134-198 kilometr) avtomobil yolunun qalan hissəsinin yenidən qurulması işlərinə başlanılacaq. Bunu cümə axşamı Azərbaycanın Nəqliyyat Nazirliyindəki mənbə deyib.
"2010-cu ildə Rusiya sərhədi istiqamətindəki avtomobil yolunun ikinci hissəsinin yenidən qurulması çərçivəsində inşaat işlərinə başlanılmalıdır", - mənbə deyib. Onun sözlərinə görə, dördzolaqlı yolun qalan hissəsi betondan olacaq.
Bakı-Quba-Rusiya sərhədi avtomobil yolu bu ilin sentyabr ayında istismara verilib. Yenidənqurma işləri və beton örtüyünün bərkidilməsi 2008-ci ilin may ayında başlanıb. Bu müddət ərzində bu yolun 118 kilometrliyində 20-30 santimetr qalınlığında olan beton örtüyünün bərkidilməsi həyata keçirilib. Layihənin podratçısı "Akkord" şirkətidir.
Yolların yenidən qurulması çərçivəsində kommunikasiya infrastrukturunun inşası və dəyişdirilməsi həyata keçirilib, 20 körpü, mal-qaranın keçməsi üçün 9 keçid və 4 kəsişən yolun üstündə körpü tikilib.
Məqalə müəllifi ilə əlaqə ünvanı: [email protected]