Azərbaycan, Bakı, 07 yanvar / Trend , müxbir Ü.İsmayılova/
"Azərbaycanın iri sığorta şirkətlərindən biri A-Group sığorta şirkətinin 2009-cu ilin yekunu üzrə haqları altı faiz azalıb", -bu barədə çərşənbə axşamı, şirkətin idarə heyyətinin sədri Anar Bayramov deyib.
"Şirkətin ötən il ərzində haqları, inişil 7,75 milyon manata nisbətdə 7,3 milyon manat təşkil edib", - Bayramov deyib.
Onun sözlərinə görə, şirkətin haqlarının azalması əsasən şirkətin ümumi növü olan KASKO, əmlakın sığortası, tikinti-quraşdırma işlərinin sığortasına tələbatın azalmasında müşahidə olunur. Tibbi sığorta üzrə haqlar 2008-ci ildəki səviyyəsini qoruyub saxlayıb.
A-Group sığorta şirkəti sığortanın 3 icbari və 14 könüllü növü üzrə xidmət göstərir. Şirkətin nizamnamə kapitalı 1,55 milyon manat təşkil edir. Yanvar-noyabr aylarında şirkət 4,09 milyon manat ödəmələr sayəsində 6 milyon manat məbləğində haqq toplayıb.
Yanvarın 7-nə olan rəsmi məzənnə 0,8030 AZN/USD təşkil edir.
Məqalə müəllifi ilə əlaqə ünvanı: [email protected].
