Azərbaycan, Bakı, 21 yanvar / Trend , müxbir İ.İsmayılova/
2009-cu ilin yekunlarına görə Böyük Britaniya Azərbaycanda investisiyaların həcminə görə lider mövqeyini qoruyub saxlayıb, xarici investisiyaların ümumi həcminin 49,2 faizi Böyük Britaniyanın payına düşür. Bu barədə Dövlət Statistika Komitəsindən deyilib. Ölkənin investisiyaları 726,6 milyon manat təşkil edib.
Ötən il ərzində xarici ölkələr və beynəlxalq investisiya təşkilatlarının Azərbaycan iqtisadiyyatına qoyduğu investisiyanın 87,3 faizi (1289,4 milyon manat) Böyük Britanıya, ABŞ, Yaponiya, Norveç, Fransa, İsveçrə, Çexiya və Türkiyədən olan investorların payına düşüb.
ABŞ investisiyası 216,8 milyon manat (ümumi çəkinin 14,7 faizi), Yaponiya 113,1 milyon manat (7,7 faiz), Norveç 70,5 milyon manat (4,8 faiz), Fransa 40,4 milyon manat (2,7 faiz), Türkiyə 55,9 milyon manat (3,8 faiz), Çexiya 34,6 milyon manat (2,3 faiz), Koreya 12,22 milyon manat (0,8 faiz), BƏƏ 3,66 milyon manat (0,2 faiz), Səudiyyə Ərəbistanı 2,55 milyon manat (0,2 faiz), Avstriya 2,18 milyon manat (0,1 faiz), İsveçrə 31,4 milyon manat (2,1 faiz), İtaliya 803,7 min manat (0,1 faiz), Almaniya 300,5 min manat, Qazaxıstan 1,68 milyon manat (0,1 faiz), Rusiya 864,2 min manat (0,1 faiz) təşkil edib.
Beynəlxalq Maliyyə İnstitutlarından ən böyük həcmli investisiyanı Dünya Bankı yatırıb - 93,9 milyon manat (ümumi çəkinin 6,4 faizi). Azərbaycanda layihələrin reallaşdırılmasına Asiya İnkişaf Bankı 39,4 milyon manat (2,7 faiz), Avropa Yenidənqurma və İnkişaf Bankı 21,29 milyon manat (1,4 faiz), İslam İnkişaf Bankı 3,47 milyon manat (0,2 faiz), Küveyt İqtisadi İnkişaf Fondu 5,62 milyon manat (0,4 faiz) yönəldib.
Yanvarın 21-nə olan rəsmi məzənnə 0,8033 AZN/USD təşkil edir.