Azərbaycan, Bakı, 11 fevral / Trend , müxbir N.İsmayılova/
Korporativ idarəetmə standartlarının tətbiqi üzrə tövsiyələr çərçivəsində Mülki Məcəlləyə dəyişikliklər edildikdən sonra Azərbaycan Respublikasının Qiymətli Kağızlar üzrə Dövlət Komitəsində (QKDK) struktur dəyişikliyi mümkündür. Bu barədə cümə axşamı QKDK-nın sədri Rüfət Aslanlı bildirib.
"Bununla əlaqədar səhmdarların hüquqlarının müdafiəsi üzrə şöbənin strukturunun yenidən təşkili və QKDK strukturlarına yenidən baxılmasına ehtiyac yaranacaq", - Aslanlı bildirib.
Mülki Məcəllədə dəyişikliklər səhmdarların şurasının, idarəetmə orqanlarının səlahiyyətlərinin və hüquqlarının daha dəqiq müəyyənləşdirilməsi, müvafiq şəxslərlə münasibətlər sisteminin beynəlxalq qaydalar üzrə nizamlanması, səhmdarların və digər rəhbər vəzifəlilərin şurasının səlahiyyətləri üzrə konkret çərçivələrin müəyyən edilməsinə aid olacaq.